aRi[t]mar
Esta semana estamos a participar nas votacións do certame aRi[t]mar. Trátase dunha actividade organizada pola Escola Oficial de Idiomas de Santiago de Compostela que ten por finalidade promocionar a música galega e portuguesa. A organización do certame escolleu 10 cancións galegas e 10 portuguesas que nós escoitaremos, e de entre as cales escolleremos tres. A votación faise vía online a título individual e en Outubro haberá unha gala no Teatro Principal de Santiago na que actuarán algúns dos grupos gañadores do certame. Esta semana estamos a estreitar os lazos que unen Galicia co país veciño.