O pasado día 24 de Febreiro celebramos a festa do Antroido co tradicional desfile de comparsas e actuacións musicais. Na categoría de pequenas comparsas, resultaron gañadoras as alumnas Catuxa, Marta, Ana, Marta e Andrea, de 4º da ESO co seu orixinal disfraz de caramelos sugus. No apartado de grandes comparsas, resultou gañador o grupo de 1ºB da ESO, coa súa escenificación dunha batalla de Star Wars. Miriam e Valerie, de 2º da ESO deleitáronnos coa interpretación de Say Something, e Martín, Mara, Isabella, Marta, Laura, Celia e Noa fixeron unha actuación musical como tributo ó finado David Bowie. Podedes ver máis fotos do evento facendo clic aquí .
Para celebrar o mes da ciencia e dotalo de contido, a nosa biblioteca vén de inaugurar un expositor con obras de divulgación no que teredes acceso á lectura dos mundos máxicos das máis variadas ramas do pensamento científico actual.
